iPod nano (1. kynslóð) innköllun
Í tilefni af villandi tilkynningum í íslenskum fjölmiðlum vegna útskipta á iPod nano fyrstu kynslóð vill epli.is koma á framfæri eftirfarandi:
Apple hefur ákvarðað að í einhverjum tilfellum geti rafhlöður í iPod nano fyrstu kynslóð ofhitnað og orsakað hættu. Á það við um iPod nano spilara sem voru framleiddir og seldir á tímabilinu september 2005 til desember 2006. Þetta á ekki við alla spilara af þessari gerð eins og kom fram í einum fjölmiðli.
Framleiðandinn ráðleggur öllum að hætta notkun á iPod nano fyrstu kynslóð og að viðkomandi setji sig í samband við þjónustuaðila Epli.is á Íslandi til að fá úr því skorið hvort spilarinn falli undir ofangreint.
Tækið mun vera sent til Apple sem að lokinni athugun sendir annað tæki í staðinn. Allt að 6 vikur geta liðið þar til tækið berst frá Apple.
Tilkynning frá Apple: http://www.apple.com/support/ipodnano_replacement/
Hér getur þú athugað hvort þinn iPod nano (1. kynslóð) heyri undir þetta útskiptiprógram Apple.
