Nýi iPad hefur fjórum sinnum fleiri pixla en fyrri kynslóð sem gerir texta mjög skýran og birtir ótrúlega flóru af litum. Að sjá og nota iPad veitir nýja upplifun sem hefur aldrei verið eins fullkomlega skýr. Retina skjárinn á nýja iPad er með 2048x1536 pixla upplausn, sem gefur 3,1 milljón pixla í sömu stærð og áður; 9,7-tommum. Það þýðir fjórum sinnum fleiri pixlar en á iPad 2 og milljón pixlum meira en í háskerpu (HD) sjónvarpi. Pixlarnir eru svo vel þjappaðir saman að ekki er hægt að aðgreina þá í eðlilegri sjónfjarlægð. Þegar þú sérð ekki pixlana þá sérðu heildarmyndina, textann eða tölvuleiki í mun skýrari mynd en þú hefur nokkurn tímann getað ímyndað þér.

Ómögulegt væri að hafa Retina skjá á nýja iPad án nýju A5X flögunnar frá Apple, en hún keyrir 3,1 milljónir pixla til að birta mynd á skjánum. Aflið í fjögurra-kjarna skjástýringunni gerir allar aðgerðir þægilegar og ganga þær snuðrulaust fyrir sig. Fingrahreyfingar, myndvinnsla í nýja iPhoto1 og að spila tölvuleiki gengur því hratt og örugglega fyrir sig vegna aflsins í A5X flögunni. Nýja A5X flagan sem er með fjögurra-kjarna skjástýringu keyrir fjórum sinnum fleiri pixla en á iPad 2. Á sama tíma skilar hún sama hraða og snerpu eins og iPad er þekktur fyrir. Þrátt fyrir þessa orkufreku eiginleika endist rafhlaðan áfram í 10 klukkustundir2.

Ný 5 megapixla myndavél og 1080p upptökumöguleiki með hristivörn er á nýja iPad. Linsan er stórendurbætt og hefur stærra ljósop (f / 2,4) sem þýðir skýrari myndir í dimmum aðstæðum og betri dýpt í nærmyndum. iSight myndavélin skynjar einnig allt að tíu andlit í einu og breytir fókus og ljósopi út frá því!

Nýi iPad með Wi-Fi + 3G styður hraðvirk net út um allan heim3. Það er því mögulegt að vafra, horfa á myndbúta eða sækja kvikmynd á öflugum nethraða. Nýi iPad virkar á GSM/UMTS farsímakerfunum alls staðar í heiminum þ.á m. HSPA, HSPA+ og DC-HSDPA sem eru hröðustu 3G netin. Hægt er að ná allt að 42Mbps á DC-HSDPA og allt að 21,1Mbps á HSPA+4. 4G LTE virkar aðeins hjá ákveðnum símafyrirtækjum í Bandaríkjunum og Kanada.