iPhone 15 fær nýja aðallinsu með 48 megadíla upplausn og styður nú 2x aðdrátt án þess að tapa myndgæðum. Linsan er með 100% fókus-díla sem skilar skörpum myndum á mettíma. iPhone 15 er þá með myndavélakerfi sem skilar 0,5x - 1x og 2x linsukerfi. Myndirnar úr iPhone 15 eru skarpari, bjartari og nú er hægt að taka Portrait-myndir eftirá. Smelltu af mynd og færðu fókusinn á milli fólks eftir að myndin hefur verið tekin. Ný og betri næturstilling gerir þér kleift að ná bjartari næturskotum.

iPhone 15 Pro símarnir bjóða upp á myndavélakerfi sem býður upp á 7 mismunandi brennivíddir. Aðallinsan er með 48 megadíla skynjara og 100% fókus-díla sem skila skörpum 24 megadíla myndgæðum án þess að fylla geymsluplássið. Aðallinsan getur hoppað á milli 24 mm, 28 mm og 35 mm brennivídda úr gamla 35mm kerfinu. Aðallinsan getur líka skilað 48 megadíla ProRAW myndum í HEIF-sniði sem skilar 4x skarpari upplausn. iPhone 15 Pro er með 3x aðdráttarlinsu og iPhone 15 Pro Max fær nýja 5x aðdráttarlinsu eða 120 mm brennivídd þökk sé nýrri stöðugri tetraprism-hönnun. Nú er hægt að taka afturvirkar Portrait-myndir - taktu myndina og færðu fókus á milli andlita eða taktu það úr fókus eftirá. Ultra-víðlinsan getur skilað macro-myndum eða 13 mm brennivídd sem hentar myndum af landslagi og stórum hópum. Nætur-stilling, Smart HDR og Action-stilling eru nú allar betri þökk sé nýrri A17 Pro-flögu. Seinna þetta ár mun myndavélakerfið uppfært til að styðja Spatial-myndskeið sem er hægt að horfa á Apple Vision sýndarsjánni.

iPhone 15 Pro símarnir fá báðir nýja öfluga flögu: A17 Pro. A17 Pro eykur RTX-afköst í tölvuleikjum til muna og er von á hágæða AAA-tölvuleikjum á iPhone á næstunni. Innvolsið í iPhone 15 Pro hefur einnig verið uppfært til að höndla hita betur sem kemur sér mjög vel í tölvuleikjum og við háan lofthita. iPhone 15 Pro skiptir úr Lightning-tengingu yfir í USB-C með 10 gígabita/sekúndu hraða sem færir plássfrekt myndefni af síma yfir á tölvu eins og ekkert sé. USB-C opnar líka á aðra möguleika eins og að tengja utanáliggjandi geymslupláss til að auka pláss fyrir myndefni eða til að tengjast Capture One ljósmyndakerfinu. Þráðlaust samband fær góða uppfærslu upp í WiFi 6e sem tvöfaldar nethraða þegar það býðst og nýja ultra-víða flögu sem staðsetur Apple tæki mun betur en fyrri flagan.