Valmynd
Valmynd

Skilmálar

Neðangreindir skilmálar gilda fyrir vefverslun Skakkaturns ehf./Epli. Vinsamlegast kynntu þér þá vandlega áður en þú pantar vörur á www.epli.is

Verslanir Epli eru reknar af Skakkaturni ehf. kt. 670308-2430 og rekur www.epli.is og 2 verslanir á höfuðborgarsvæðinu. Skrifstofa Skakkaturns er staðsett á Laugavegi 182, 105 Reykjavík. Virðisaukaskattsnúmer 11978. Símanúmer er +354-512-1300. Ef þú hefur einhverjar ábendingar um vefverslun eða verslanir Epli biðjum við þig um að senda okkur tölvupóst á vefverslun@epli.is.

Skakkiturn ehf áskilur sér rétt til að breyta reglum og skilmálum án fyrirvara. Öll verð á síðunni eru birt með fyrirvara um prentvillur.

Afhending á vöru

Þegar þú verslar á www.epli.is getur þú valið á milli þess að sækja í verslun eða fengið pöntunina þína senda með Íslandspósti. 

Þegar þú velur “sækja” getur þú nálgast pöntunina þína í verslun Epli, næsta virka dag eftir klukkan 16.00, endurgjaldslaust gegn framvísun á sölunótu og skilríkja.

Þú getur einnig valið að fá pöntunina þína senda á næsta pósthús. Við sendum þér vöruna/r í pósti í gegnum stærsta póstþjónustukerfi landsins, Íslandspóstur (postur.is).

 Veljir þú póstsendingu (990 kr.) getur þú nálgast pakkann þinn á næsta pósthúsi eftir 1-2 virka daga (athugið að á mörgum stöðum úti á landi er pakkinn keyrður beint heim þar sem pósthús er ekki nálægt).
 

 Lög og varnarþing 

Ákvæði og skilmála þessa ber að túlka í samræmi við íslensk lög. Komi upp ágreiningur eða telji einhver að hann eigi kröfu á hendur netverslun Skakkaturns ehf á grundvelli þessara ákvæða og skilmála, verður slíkum ágreiningi eða kröfu einungis vísað til meðferðar hjá íslenskum dómstólum.

Reglur og skilmálar varðandi friðhelgi og vafrakökur (cookies) 

Við virðum friðhelgi gesta okkar á vefnum og mikilvægi þess að fólk verndi persónulegar upplýsingar. Við höfum tekið upp sérstakar reglur og skilmála varðandi friðhelgi sem setur okkur mörk varðandi söfnun, geymslu og notkun á þeim upplýsingum sem þú gefur okkur. 

Við birtum upplýsingarnar hér að neðan til að gestir okkar á vefnum séu meðvitaðir um fyrrnefndar reglur og skilmála. Með því að heimsækja www.epli.is samþykkirðu og viðurkennir þær aðferðir sem lýst er í þessum texta. 


Reglur varðandi friðhelgi 

Ef þú ert undir 16 ára aldri förum við fram á að þú upplýsir foreldra eða forráðamann um reglur og skilmála Skakkturns ehf og að þú fáir samþykki þeirra áður en þú skráir þig í vefversluninni eða pantar vörur. 

Hafðu í huga skilmála og reglur þegar þú setur inn persónulegar upplýsingar. 


Persónulegar upplýsingar

Þegar þú skráir þig inn á síðuna og færð notendanafn söfnum við einungis upplýsingum sem varða nafnið þitt, búsetuland, símanúmer, netfang og heimilisfang. Með því að skrá þig heimilarðu slíka söfnun upplýsinga.

Ef þú ert ekki með aðgang hjá okkur munum við safna sömu upplýsingum og koma fram hér að ofan en einungis til að hægt sé að klára pöntunina.

Þegar þú pantar vöru í vefverslun Skakkaturns eru upplýsingar um kreditkortið þitt aðeins vistaðar á meðan viðskiptin fara fram og eru samþykkt í kerfinu. Valitor geymir kortaupplýsingar þínar í öruggum kerfum sínum, en ekki á greiðslusíðunni sjálfri. 

Valitor hefur hlotið vottun PCI DCC (Payment Card Industry Data Security Standard) sem ætlað er að draga úr hættunni á kortamisferli. Að auki tryggir Valitor öryggi kortagreiðslu þinnar með því að biðja um öryggiskóða korta (CVV2), eða MCC (öryggiskóði Masterkorta) og VbV (Staðfest af Vísa). Valitor setur strangar öryggiskröfur til söluaðila um að uppfylla PA DSS (Payment Application Data Security Standard) staðlana.

Um leið og pöntunin er staðfest og þú færð staðfestinguna í hendur verður öllum upplýsingum um kortið eytt úr kerfinu. Kortaupplýsingar þínar eru öruggar á meðan ferlinu stendur. Hið sama gildir hvort sem þú ert skráður notandi eða ekki.

Fyrir frekari upplýsingar um öruggi greiðslu þinnar með aðstoð Valitor vísum við til heimasíðu þeirra.

Vafrakökur (cookies)
Vafrakökur eða "cookies“ eru upplýsingar sem vefforritið þitt geymir í tölvunni þinni að beiðni netþjóna. Skakkiturn notar þessar upplýsingar til að vita hversu oft þú heimsækir heimasíðuna, hvað þú setur í körfuna þína, hvernig fyrri pantanir þínar voru og til að kynna þig fyrir vörum sem gætu vakið áhuga þinn. 

Vafrakökurnar eru hannaðar til að þjóna þínum þörfum og þú ættir ekki að hafa áhyggjur af þeim. 

Flestir vafrar eru stilltir þannig að þeir taka sjálfvirkt við vafrakökum en hægt er að stilla þá þannig að notandinn þurfi að samþykkja hvert tilvik. Enda þótt þú kjósir að leyfa ekki vafrakökur geturðu samt sem áður notað flest alla hluta vefsíðu okkar, þar á meðal verslunarkerfið. 

Með því að nota vefsíðu Skakkaturns samþykkir þú notkun á vafrakökum. 

Nánari upplýsingar varðandi eyðingu eða stjórn á vafrakökum er að finna á www.AboutCookies.org. Möguleikar þínir á notkun vefsíðu Skakkaturns gætu takmarkast við slíkar breytingar.

 

 

 

Karfan þín