Velkomin á vef 
Valmynd
Valmynd

Algengar spurningar - iOS tæki

Get ég sent tækið mitt á verkstæði Epli?
Já, þú getur það svo sannarlega. Ítarlegar leiðbeiningar má finna hér.
Hvernig færi ég myndirnar mína yfir á tölvu?
Þú finnur góðar leiðbeiningar á íslensku hér.
Ég kemst ekki inn í tækið mitt, hvernig get ég þá slökkt á “Find my Device” í tækinu?
Hægt er að slökkva á Find My Device í tækinu sjálfu, öðru tæki og á icloud.com Leiðbeiningar á íslensku má finna hér.
Ég man ekki lykilorðið/passcode í símann/iPadinn minn, hvað get ég gert?
Þú þarft að strauja tækið þitt. Leiðbeiningar á íslensku má finna hér.
Hvernig á að strauja iOS tæki?
Leiðbeiningar á íslensku má finna hér.
Hvernig set ég upp tölvupóstinn minn á tækinu?
Góðar leiðbeiningar á íslensku má finna hér.
Get ég farið með síma í sund eða heitan pott?
Nei, við mælum sterklega gegn því. Símar frá Apple eru frá og með iPhone 6S rakavarðir en ekki rakaheldnir. Ef raki kemst inn í tækið getur það skemmt út frá sér og fellur það ekki undir ábyrgð. Rakavörnin er til staðar til að lágmarka líkur á rakatjóni.
Hver er munurinn á ábyrgð ef tækið er keypt á Íslandi og erlendis?
Tæki sem eru keypt erlendis eru í eins árs takmarkaðri alheimsábyrgð hjá Apple. Tæki sem eru keypt hérna heima á einstaklingskennitölu eru í 2 ára neytendaábyrgð, ef tækið er keypt á fyrirtækjakennitölu er eins árs neytendaábyrgð skv. íslenskum neytendalögum. Við tökum á móti tækjum í Apple Care + ábyrgð, hafi sú aukatrygging verið keypt fyrir tækið hjá Apple.
Hvað fellur undir ábyrgð?
Bilun í vélbúnaði fellur undir ábyrgð, en ekki hugbúnaður eða tjón. Bilun í vélbúnaði sem má rekja til tjóns fellur ekki undir ábyrgð.
Tækið mitt er tjónað, fellur það þá undir ábyrgð?
Tjónuð tæki falla ekki undir ábyrgð, en mögulega falla undir heimilistryggingu/innbúskaskó ef þú ert með slíkt. Við mælum með að þú hafir samband við þitt tryggingafélag og athugir hvort tjónið falli undir tryggingu þar. Við getum þá útbúið tjónamat fyrir tryggingarfélagið ef þess er óskað. Til þess að hægt sé að afgreiða tjónið hjá okkur í gegnum trygginarfélagið þitt þá þarf þitt tryggingarfélag að vera búið að senda á okkur viðgerðarbeiðni.
Ef tækið mitt tjónast og ég læt gera við það, fellur það þá aftur undir ábyrgð?
Já, ef viðurkenndur þjónustuaðili Apple (AASP) sér um viðgerðina. Verksmiðjuábyrgð á varahlutum eru 3 mánuðir, en þó aldrei styttri en eftirstandandi ábyrgð frá kaupdegi tækisins. Ef þriðji aðili sem ekki er viðurkenndur þjónustuaðili Apple gerir við tækið, fellur tækið úr allri ábyrgð.

Karfan þín