Velkomin á vef 
Valmynd
Valmynd

Algengar spurningar – Mac

Get ég sent tölvuna mína á verkstæði Epli?
Já, þú getur það svo sannarlega. Ítarlegar leiðbeiningar má finna hér.
Hvernig set ég upp tölvupóstinn minn á Mac?
Góðar leiðbeiningar á íslensku má finna hér.
Tölvan mín kveikir ekki á sér, hvað er til ráða?
Prófaðu að fylgja þessum leiðbeiningum. Ef það gengur ekki upp getur þú komið með tölvuna á verkstæði Epli og viðurkenndur tæknimaður skoðar tölvuna samkvæmt gildandi verðskrá og gefur þér verð í viðgerð ef þess þarf.
Tölvan mín hagar sér undarlega, hvað er til ráða?
Það gæti verið að það þurfi að endurstilla ákveðnar stillingar, eins og t.d. skjástillingar eða hljóðstillingar. Prófaðu að fylgja þessum leiðbeiningum. Ef það gengur ekki upp getur þú komið með tölvuna á verkstæði Epli og viðurkenndur tæknimaður skoðar tölvuna samkvæmt gildandi verðskrá og gefur þér verð í viðgerð ef þess þarf.
Hver er munurinn á ábyrgð ef tækið er keypt á Íslandi og erlendis?
Tæki sem eru keypt erlendis eru í eins árs takmarkaðri alheimsábyrgð hjá Apple. Tæki sem eru keypt hérna heima á einstaklingskennitölu eru í 2 ára neytendaábyrgð, ef tækið er keypt á fyrirtækjakennitölu er eins árs neytendaábyrgð skv. íslenskum neytendalögum. Við tökum á móti tækjum í Apple Care + ábyrgð, hafi sú aukatrygging verið keypt fyrir tækið hjá Apple.
Hvað fellur undir ábyrgð?
Bilun í vélbúnaði fellur undir ábyrgð, en ekki hugbúnaður eða tjón. Bilun í vélbúnaði sem má rekja til tjóns fellur ekki undir ábyrgð.
Tölvan mín er tjónuð, er hún ekki í ábyrgð?
Tjónuð tæki falla ekki undir ábyrgð, en mögulega fellur tjónið undir heimilistryggingu/innbúskaskó ef þú ert með slíkt. Við mælum með að þú hafir samband við þitt tryggingafélag og athugir hvort tjónið falli undir tryggingu þar. Við getum þá útbúið tjónamat fyrir tryggingarfélagið ef þess er óskað. Til þess að hægt sé að afgreiða tjónið hjá okkur í gegnum trygginarfélagið þitt þá þarf þitt tryggingarfélag að vera búið að senda á okkur viðgerðarbeiðni.
Ef tölvan mín tjónast og ég læt gera við hana, hvað verður þá um ábyrgðina?
Ef viðurkenndur þjónustuaðili Apple (AASP) sér um viðgerðina þá mun ábyrgð taka gildi á ný hafi tækið verið í ábyrgð fyrir tjónið. Verksmiðjuábyrgð á varahlutum eru 3 mánuðir, en þó aldrei styttri en eftirstandandi ábyrgð frá kaupdegi tækisins. Ef þriðji aðili sem ekki er viðurkenndur þjónustuaðili Apple gerir við tækið, fellur tækið úr allri ábyrgð.

Karfan þín