Valmynd
Innskráning Valmynd

Hvernig nota skal FileVault til að dulkóða ræsidiskinn á Mac tölvu

FileVault full-diska dulkóðun, FileVault 2, notast við XTS-AES-128 dulkóðun með 256-bita lykli til að hjálpa til við að koma í veg fyrir að óviðkomandi komist yfir upplýsingarnar á ræsidisknum á Mac.

Kveiktu á og settu upp FileVault

FileVault 2 is er í boði í OS X Lion og nýrri útgáfum macOS. Þegar kveikt er á FileVault, mun Mac ávalt krefjast þess að þú skráir þig inn með lykilorði. 

  1. Smelltu á Apple menu () > System Preferences, veldu svo Security & Privacy.
  2. Smelltu á FileVault flipann.
  3. Smelltu á Locked, og sláðu inn nafn stjórnanda og lykilorð.
  4. Smelltu á Turn On FileVault.

Ef aðrir notendur eru á tölvunni gætir þú séð skilaboð um að hver og einn notandi þurfi að slá inn sitt lykilorð til að aflæsa ræsidisknum. Smelltu á „Enable User...“ fyrir hvern notanda sem á að geta aflæst ræsidisknum og sláðu svo inn lykilorðið þeirra. Notendur sem bætt er við eftir að kveikt er á FileVault munu fá heimild til að aflæsa ræsidisknum sjálfkrafa.

Veldu hvernig þú vilt geta aflæst disknum og endursett lykilorðið þitt, í því tilfelli að þú gleymir lykiliorðinu þínu:  

  • Ef þú ert að nota OS X Yosemite eða nýrri útgáfu getur þú valið iCloud aðganginn þinn til að aflæsa disknum og til að endursetja lykilorðið þitt.*
  • Ef þú ert að nota OS X Mavericks getur þú valið um að geyma FileVault endurheimtarlykilinn hjá Apple og fengið aðgang að honum með að svara þremur öryggisspurningum. Vertu viss um að velja svör sem þú kemur til með að muna.*
  • Ef þú vilt ekki nota iCloud FileVault recovery, getur þú búið til staðbundinn endurheimtarlykil. Geymdu lykilinn á öruggum stað, alls ekki geyma hann á tölvunni, þá muntu ekki geta notað hann ef þú gleymir lykilorðinu þínu! 

Ef þú tapar bæði lykilorðinu þínu og FileVault endurheimtarlyklinum munt þú ekki geta skráð þig inn á tölvuna né nálgast gögnin á ræsidisknum.

Dulkóðun fer fram í bakgrunninum á meðan þú notar tölvuna, og þegar kveikt er á henni og hún tengd við rafmagn. Þú getur fylgst með stöðunni í FileVault flipanum í Security & Privacy preferences. Allar nýjar skrár sem þú býrð til eru dulkóðaðar sjálfvirkt um leið og þú vistar þær á ræsidiskinn.

Þegar FileVault uppsetningu er lokið og þú endurræsir tölvunni, munt þú notast við aðganginn þinn og lykilorð til að aflæsa disknum og leyfa tölvunni að klára ræsingu. FileVault krefst þess að þú skráir þig inn í hvert skipti sem tölvan ræsir sig upp og enginn notandi hefur heimild til að stilla tölvuna til að skrá hann inn sjálfvirkt.

Endursetja lykilorð eða breyta FileVault endurheimtarlykli

Ef þú gleymir lykilorðinu þínu eða það virkar ekki gæti verið að þú endursett lykilorðið.

Ef þú vilt breyta endurheimtarlyklinum sem notaður er til að dulkóða ræsidiskinn, getur þú slökkt á FileVault í Security & Privacy preferences. Þú getur svo kveikt aftur á FileVault til að fá nýjan lykil og afvirkja eldri lykla.

Slökkva á FileVault

Ef þú vilt ekki dulkóða gögnin þín legur getur þú slökkt á FileVault:

  1. Smelltu á Apple menu > System Preferences, og veldu Security & Privacy.
  2. Smelltu á FileVault flipann.
  3. Smelltu á Locked og sláðu inn nafn stjórnanda og lykilorð.
  4. Smelltu á Turn Off FileVault.

Afkóðun fer fram í bakgrunninum á meðan þú notar tölvuna, og þegar kveikt er á henni og hún tengd við rafmagn. Þú getur fylgst með stöðunni í FileVault flipanum í Security & Privacy preferences.

Frekari fróðleikur

  • Lestu þig til um hvernig þú getur búið til og sent FileVault endurheimtarlykil fyrir Mac tölvur í þínu fyrirtæki, skóla eða stofnun.
  • Ef þú ert að nýtast við FileVault á Mac OS X Snow Leopard, getur þú uppfært í FileVault 2 með að uppfæra stýrikerfið í OS X Lion eða nýrra. Eftir stýrikerfisuppfærslu skaltu opna FileVault preferences og fylgja skrefunum á skjánum til að uppfæra FileVault.
  • RAID- eða óhefðbundnir Boot Camp hlutar ræsidisks gætu komið í veg fyrir að OS X setji upp staðbundip endurheimtar kerfi. FileVault mun ekki dulkóða ræsidisk án endurheimtar kerfi. Frekari upplýsingar.

 

* Ef þú geymir endurheimtarlykilinn hjá Apple eða með iCloud reikningnum ábyrgist Apple ekki það muni geta látið endurheimtarlykilinn þér í té komi upp sú staða að þú tapar honum eða gleymir. AppleCare þjónustar ekki öll tungumál eða lönd í heiminum, og AppleCare-þjónustuð svæði bjóða ekki upp á aðstoð á öllum tungumálum. Ef þú stillir Mac á tungumál sem AppleCare styður ekki, kveikir svo á FileVault og geymir lykilinn hjá Apple (OS X Mavericks eingöngu), gætu öryggisspurningarnar og svörun við þeim verið á tungumáli sem AppleCare býður ekki upp á aðstoð með.

Útgáfudagur: 30. nóvember 2018

Karfan þín

Bæta við uppitökutæki

Nýttu gamla tækið upp í nýtt!

Við metum gömlu tækin þín til fjár. Við tökum gamla símann, snjallúrið, tölvuna og jafnvel gömlu spjaldtölvuna upp í nýja vöru hjá Epli. Upphæð uppítöku fer eftir aldri og ástandi tækisins. Engin mörk eru á hvað þú getur komið með mörg tæki. Allar tegundir velkomnar.