Velkomin á vef 
Valmynd
Valmynd

Enduruppsetning á macOS með macOS Recovery

Enduruppsetning með macOS Recovery

macOS Recovery gerir það auðvelt verk að setja upp Mac stýrikerfið á nýjan leik, jafnvel ef þú þarft að hreinsa ræsidiskinn fyrst. Það eina sem þarf er rafmagn og internet. Þú getur valið þráðlaust net frá Wi-Fi valmyndinni  efst á skjánum. Þessi valmynd er einnig til staðar í macOS Recovery.

1. Keyrðu upp tölvuna í macOS Recovery

Til að keyra upp macOS Recovery, skaltu byrja á að slökkva á tölvunni ef kveikt er á henni. Kveiktu svo á tölvunni og haltu strax inni einhverri eftirfarandi samsetninga á lyklaborðinu. Allt eftir því hvað það er sem þú vilt gera. Slepptu lyklunum þegar þú sérð Apple merkið, snúandi hnött, eða annan upphafsskjá.

 (cmd) - R

Enduruppsetja nýjasta macOS sem var sett upp á tölvunni (mælt með).

 (alt/option) -  (cmd) - R

Uppfæra í nýjasta macOS sem gengur á tölvuna.

 (shift) -  (alt/option) -  (cmd) - R

Enduruppsetja upprunarlega macOS sem kom með tölvunni í upphafi, eða næstu útgáfu sem er í boði.
  

Þú gætir þurft að slá inn lykilorð, til dæmis fastbúnaðar lykilorð eða lykilorð stjórnanda á tölvunni. Sláðu inn lykilorðið sem beðið er um til að halda áfram.

Select a user you know the password for

Tölvan er komin í macOS Recovery þegar þú sérð Utilities gluggann.

2. Taktu ákvörðun um hvort þú ætlir að hreinsa (format) ræsidiskinn

Þú þarft mest líklega ekki að hreinsa diskinn, ekki nema þú sért að selja eða gefa tölvuna, eða að um hugbúnaðarvillu sé að ræða sem krefst hreinsunar til að leysa. Opnaðu Disk Utility frá macOS Utilities glugganum ef þú þarft að hreinsa ræsidiskinn og smelltu svo á Continue til að halda áfram. Lestu þig til um hvenær og hvernig á að hreinsa disk.

3. Settu upp macOS

Veldu Reinstall macOS frá Utilities glugganum þegar allt er tilbúið fyrir enduruppsetningu. Smelltu á Continue og fylgdu skrefunum á skjánum. Tölvan mun biðja þig að velja disk til að setja stýrikerfið upp á.

  • Ef uppsetningin biður þig að opna diskinn skaltu slá inn lykilorðið sem þú notar til að skrá þig inn á tölvuna.
  • Ef uppsetningin finnur ekki diskinn eða segir að það sé ekki hægt að setja macOS upp að tölvunni eða völdum disk, gætir þú þurft að hreinsa diskinn fyrst.
  • Ef uppsetningin er fyrir aðra útgáfu af macOS en þú bjóst við skaltu kynna þér macOS Recovery undantekningar hér að neðan.

macOS Catalina installer window

Vinsamlegast leyfðu uppsetningunni að ljúka sér af án truflana, svo sem að setja tölvuna í svefn, taka hana úr sambandi við rafmagn ea loka fartölvunni. Á meðan á uppsetningu stendur gæti tölvan endurræst sig og sýnt framvindubraut nokkrum sinnum, skjárinn gæti verið svartur í nokkrar mínútur í senn.

Ef þú ætlar þér að selja eða gefa tölvuna skaltu ekki klára uppsetningu, ýttu á Command-Q til að loka setup assistant. Smelltu svo á Shut Down. Þegar nýr eigandi eða notandi tölvunar kveikir á tölvunni mun hann geta sett inn sínar upplýsingar og klárað uppsetningu líkt og um nýja tölvu væri að ræða.

macOS Recovery undantekningar

Útgáfa macOS í boði í macOS Recovery gæti verið mismunandi:

  • Ef macOS Sierra 10.12.4 eða nýrra hefur aldrei verið sett upp á tölvuna munhas  Option-Command-R bjóða upp á macOS útgáfuna sem kom með tölvunni upphaflega, eða næstu útgáfu sem er enn í boði. Shift-Option-Command-R er ekki í boði.
  • Ef þú hreinsaðir allan diskinn en ekki bara ræsihlutann, gæti macOS Recovery eingöngu boðið upp á macOS útgáfuna sem kom með tölvunni upphaflega, eða næstu útgáfu sem er enn í boði. Þú getur uppfært í nýja útgáfu eftir á.
  • Ef tölvan er með Apple T2 öryggisflögu og þú hefur aldrei uppfært macOS, mun Option-Command-R bjóða upp á macOS útgáfu sem var síðast sett upp á tölvuna.
  • Ef nýbúið er að skipta út röksemdarborði (e. Logic Board) í viðgerð, gæti macOS Recovery aðeins boðið upp á nýjustu útgáfu macOS sem gengur á tölvuna.

Ef þú færð ekki macOS Recovery til að bjóða þér þá útgáfu sem þú vilt, gætir þú nýtt þér aðra leið til að setja upp macOS hér að neðan.

Aðrar leiðir til að setja upp macOS


Útgáfudagur: 15. janúar 2020

Karfan þín