Síðan árið 2016 höfum við boðið upp á endurvinnslu á Apple tækjum og skiptir engu hver aldur eða ástand tækisins er - við tökum við vörunni og endurvinnum hana fyrir þig - og oft á tíðum færðu greitt fyrir ef varan telst endurseljanleg eða nýtanleg á nokkurn hátt. 

Samhliða þessu leggja Apple sjálfir mikla áherslu á að nota endurunnin hráefni við framleiðslu á vörum sínum og eru margar vörur að hluta úr 100% endurnýttu efni. Varahlutir eða tæki sem falla undir tjón eða bilanir eru einnig útskipt og send til Apple. Þar að auki hafa umbúðir minnkað til muna sem koma beint frá framleiðslu og plastnotkun hefur nánast verið útrýmt í flutningi á vörum frá Apple. Apple er í dag kolefnishlutlaust fyrirtæki og hefur verið frá árinu 2020. 

Tökum við Apple tækjum sama í hvaða ástandi þau eru og tryggjum að þau séu endurunnin 
Tökum uppí Apple tæki frá viðskiptavinum* 
Flokkum og endurvinnum allar umbúðir sem berast í vöruflutningum 
Endurnýtum umbúðir á flutningum frá Epli til viðskiptavinar 
Sendum varahluti og vörur til endurnýtingar hjá Apple 

Endurnýtingin fer þannig fram að Apple tækin eru metin af sérfræðingum okkar og send í úrvinnslu hjá aðila sem sérhæfir sig í að flokka og meta alla varahluti eins og unnt er og þannig endurnýta þá eða endurvinna. Þau tæki eða íhlutir sem nýtast ekki eru brotin niður eftir efnum og endurunnið til að hægt sé að nýta öll hráefni eins og unnt er.