Dagleg heilsustöðuskýrsla á augabragði. Fáðu fljótlegt yfirlit yfir heilsugögn frá síðustu nóttu – þar á meðal hjartslátt, öndunartíðni, hitastig á úlnlið, súrefnismettun í blóði og svefnlengd – og fáðu tilkynningar ef margar mælingar víkja frá þínu venjulega bili.

SE 3 er með háþróaða skynjara sem fylgjast með hitastigi þínu á meðan þú sefur. Tíðahringsappið notar þessi gögn til að gefa afturvirkt mat á því hvenær þú hafðir egglos, sem getur verið gagnlegt við fjölskylduáætlanir.

Svefngæði mótast af þáttum eins og lengd, háttatíma, hversu oft þú vaknar og hversu miklum tíma er varið á hverju svefnstigi. Svefnstig greina þessa þætti hverja nótt og gefa þér einkunn og stigafjölda. Þú færð að sjá hvernig útreikningurinn fer fram svo þú getir öðlast betri skilning á svefngæðum þínum og lært hvernig þú getur bætt þau enn frekar.

Kæfisvefn er ástand þar sem endurteknar truflanir verða á eðlilegu öndunarmynstri í svefni. Ef ástandið er ómeðhöndlað getur það leitt til aukinnar hættu á háum blóðþrýstingi, sykursýki af tegund 2, hjartavandamálum og öðru. SE 3 getur fylgst með öndunartruflunum yfir tíma og sent þér tilkynningu um hugsanlegan kæfisvefn.

Tekur púlsinn á líkamanum. Þú getur athugað púlsinn þinn hvenær sem þú vilt – og fengið sjálfvirkar tilkynningar um háan eða lágan púls eða óreglulegan hjartslátt.

Heilsuappið hjálpar þér að safna mikilvægum heilsufarsupplýsingum með góðri yfirsýn á einn öruggan stað. Þú færð einnig gagnvirk töflurit og ítarlegar greiningar á þróun, svo þú getir skoðað heilsugögnin þín yfir tíma.

Fylgstu með daglegri hreyfingu þinni með hreyfingar-, æfingar- og standhringjunum. Aflaðu þér verðlauna og deildu árangri þínum með vinum svo þið getið keppt. Hægt er að gera hlé á hringjunum eða stilla þá hvenær sem er í hreyfingarappinu.

Þökk sé endurbættu yfirliti með fjórum nýjum hnöppum í hornunum færðu enn hraðari aðgang að eiginleikum eins og spilunarlistum, æfingayfirliti og upplifunum eins og hraðastilli og sérsniðnum æfingum.

Apple Watch SE 3 er fullkominn æfingafélagi. Með innbyggðu GPS og háþróuðum skynjurum getur það hjálpað þér að skrá vegalengd, hraða og púls – og gefur þér allar þær mælingar sem þú þarft til að halda einbeitingu á æfingamarkmiðin þín.

Góð tónlist gerir erfiðustu æfingarnar bærilegri. Leyfðu Apple Music að velja hinn fullkomna spilunarlista byggðan á æfingategund og tónlistarsmekk þínum – eða veldu spilunarlista eða hlaðvarp sjálf/ur.

Farsímanet er innbyggt í SE 3 LTE. Með eSIM áskrift er hægt að ná í þig nánast hvar sem er, jafnvel þótt þú hafir ekki tekið iPhone með þér í hlaupatúrinn.

SE 3 tengist AirPods óaðfinnanlega svo þú getir hlustað á tónlist, hljóðbók eða hlaðvarp án þess að nota hendurnar. Og ef þú ert ekki með AirPods nálægt geturðu núna spilað hljóð í gegnum hátalara úrsins.

Borgaðu snertilaust á augabragði með Apple Pay alls staðar þar sem þú sérð tákn fyrir snertilausar greiðslur. Þú getur líka notað Wallet-appið fyrir miðann þinn eða brottfararspjald. Geggjað.

Finnurðu ekki iPhone-símann þinn? Ýttu bara á Ping iPhone-táknið á SE 3 og þá spilar iPhone-síminn hljóð svo þú getir fundið hann. Hljómar vel.