Afköst

Eldsnögg.

M5, M4 Pro og M4 Max eru þróuðustu flögur sem Apple hefur hannað fyrir atvinnufartölvur. Hver flaga skilar stórkostlegum afköstum í ein- og margþráða örgjörvaverkefnum og hraðvirkara sameiginlegu minni – sem gefur þér hraða sem þú hélst ekki að væri mögulegur. Og með öflugum Neural Accelerators í M5-flögunni geturðu þotið í gegnum gervigreindarverkefni á ótrúlegum hraða.

Öflugur Neural Accelerator er innbyggður í hvern skjákjarna í M5-flögunni, sem gerir gervigreindarverkefni mun hraðvirkari – eins og að búa til myndir í dreifilíkönum og táknmyndun í stórum tungumálalíkönum (LLM). 16 kjarna Neural Engine knýr Apple Intelligence-eiginleikana og gerir gervigreind í tækinu bæði öfluga og orkunýtna.

Crimson Desert

Keyrðu grafíkfrek verkflæði með viðbragðsflýti sem heldur í við ímyndunaraflið. M5 er með skjákort með betri skyggikjörnum og þriðju kynslóðar Ray Tracing, þannig að leikir virðast raunverulegri og meira grípandi. Dynamic Caching fínstillir minnið á flöhunni, sem eykur nýtingu skjákortsins til muna – og skilar mikilli aukningu í afköstum fyrir kröfuhörðustu forritin og leikina.

macOS Tahoe kynnir Liquid Glass, fágaða en um leið kunnuglega hönnun. Með nýjum leiðum til að auka framleiðni, vinna óaðfinnanlega með iPhone og fá meira út úr Apple Intelligence er þetta bæði fallegasta og öflugasta útgáfa macOS til þessa.