MacBook Pro með PROLED XDR skjá
Skjár sem kitlar í fingurgómana.
MacBook Pro PROLED XDR
PROLED XDR. Besti fartölvuskjár í heimi. Með raunverulegum litum og einstöku birtustigi og skerpu.
Snerting
Snerting. Ný vídd fyrir fagmanninn.
Flaga
M5 Pro og M5 Max flögur. Ofurhraðar fyrir krefjandi verkefni.
Gervigreind
Öflugur grunnur fyrir gervigreind. Snjallt alveg inn að kjarna.
Rafhlöðuending
Tvöfalt rafhlöðukerfi.
Orka sem endist allan daginn.
Dýnamísk eyja
Dynamic Island. Hafðu yfirsýn yfir það sem þú ert að gera, tilkynningar og skilaboð.
Hönnun
Allt sem augun girnast
Við kynnum MacBook Pro með PROLED XDR-skjá. Hún er með byltingarkenndum OLED snertiskjá og Dynamic Island. Endurhannað kælikerfi, enn betra hljóð og þynnri skjárammar allt í léttari hönnun. Þetta er hápunktur fagmennskunnar.
PROLED XDR Skjár
Glæsileiki innan seilingar.
PROLED XDR sameinar byltingarkennda tveggja laga OLED-tækni og háþróað reiknirit í skjástýringunni. Útkoman er einstakt birtusvið og framúrskarandi myndgæði sem skila áður óþekktri upplifun fyrir framan skjáinn. Skjárinn setur ný viðmið í nákvæmni fyrir kvikmyndagerð, hönnun og jafnvel læknisfræðilega myndgreiningu. Með einstöku birtustigi og skerpu, dýpri svörtum tónum og einstaklega breiðum litum sérðu strax hvers vegna þetta er besti fartölvuskjár í heimi.
Tveggja laga OLED.
PROLED XDR sameinar tvö lög sjálflýsandi pixla og skilar stórkostlegri sjónrænni upplifun. Hver pixill lýsist og slokknar sjálfstætt. Þannig birtast djúpir svartir tónar hlið við hlið við skæra ljósfleti, án ljósblæðingar og bjarmans sem fylgir baklýstum skjám. Nýjungar í OLED-lögunum tryggja jafnframt nákvæma grátónaskölun og jafna birtu, sem skilar betri skerpu og meiri skýrleika.
Einstök birta og skerpa.
PROLED XDR nær allt að 2.000 nitum í hámarksbirtu við birtingu HDR-efnis og sýnir skæra ljósfleti af ótrúlegum krafti. Með 10.000.000:1 birtuskilum halda jafnvel dýpstu skuggarnir ótrúlegum smáatriðum. HDR-efni verður þannig enn raunverulegra — án þess að slegið sé af kröfum um myndgæði.
Snjöll skjástýring.
Skjástýringin stjórnar lit og birtu hvers pixils af mikilli nákvæmni á innan við millisekúndu. Hún tekur samtímis mið af efninu sem birtist, notkun pixla, hitastigi og umhverfisaðstæðum. Útkoman er einstaklega jöfn birta og skýr smáatriði í skuggum — jafnvel þegar mikið er um hreyfingu á skjánum. Stýringin fylgist líka með notkun hvers pixils til að viðhalda framúrskarandi myndgæðum til lengri tíma.
P3 + Adobe RGB.
PROLED XDR styður bæði P3- og Adobe RGB-litarýmin. P3 tryggir samræmi í HDR-myndböndum og litaleiðréttingu, en Adobe RGB er nauðsynlegt fyrir hönnuði og ljósmyndara þegar kemur að prentun. Háþróuð kvörðun tryggir að birta, hvítpunktur og litasvið séu nákvæmlega í samræmi við viðmiðin.
Skýr mynd, jafnvel í mikilli birtu.
Með allt að 2.000 nitum í hámarksbirtu fyrir SDR-efni og háþróaðri endurskinsvörn er auðvelt að lesa af skjánum, jafnvel í beinu sólarljósi. Hægt er að velja nanóáferð sem dregur enn frekar úr endurkasti og glampa, svo ekkert trufli sýnina — án þess að skerða myndgæðin.
Snerting
Töfrar við fingurgómana.
Snertiskjárinn er hannaður sérstaklega fyrir Mac og opnar nýja leið til að takast á við verkin þín. Snertiskynjarinn er innbyggður í skjáinn, ekki lagður ofan á hann. Það dregur úr töf og lætur þér líða eins og þú snertir efnið sjálft. Daglegar aðgerðir á borð við að fletta og að stækka myndir verða eðlilegar og liprar. Nýjar og hnökralausar snertiaðgerðir gera þér kleift að gera enn meira, til dæmis vinna með þrívíða hluti eða spila á hljóðfæri.
Scroll.
Færðu þig um efnið með því að renna fingrinum yfir skjáinn.
Zoom.
Klíptu til að stækka myndir, skjöl, vefsíður og fleira.
Draw.
Teiknaðu og skrifaðu athugasemdir beint á skjáinn.
Snerting í faglegri vinnu
Snerting í daglegum verkefnum.
Dynamic Island
Efst á skjánum.
Efst í huga.
Dynamic Island er nýr staður fyrir Spotlight og Live Activities. Rétt eins og á iPhone er þetta fljótleg leið til að sjá og nota mikilvægar upplýsingar. Þú getur leitað í tölvunni, spurt spurningar, fylgst með framvindu eða stýrt tónlistinni – allt á einum stað sem auðvelt er að ná til.
Spotlight
Finndu fljótt það sem þú leitar að í tölvunni — skjöl, myndir, tengiliði og tölvupóst. Þú getur líka opnað forrit, sent skilaboð eða skoðað klippiborðssöguna.
Live Activities
Fylgstu með því sem er að gerast í rauntíma. Svaraðu símtali, taktu við AirDrop-sendingu, fylgstu með matarsendingu eða settu tónlistina á pásu með einni snertingu.
Siri AI
Siri AI er gervigreindaraðstoð sem þú getur rætt við og býður upp á fjölda nýrra möguleika. Spurðu spurninga, fáðu hugmyndir fyrir vinnuna eða skapandi verkefni eða áttu samræður við Siri. Siri AI er í boði á ensku. Notkunartakmarkanir kunna að gilda.
Afköst
M5 Pro. M5 Max.
Aflið í aðalhlutverki.
Aflið í aðalhlutverki.
Gervigreind
Gervigreind í fremstu röð.
Rafhlaða
Allt að 24 klukkustunda rafhlöðuending. Frá morgni til kvölds.
Rafhlaðan í MacBook Pro með PROLED XDR skjá endist í allt að 24 klukkustundir. Báðar gerðir skila sömu afköstum hvort sem þær eru í sambandi eða ganga fyrir rafhlöðunni. Þá geturðu einbeitt þér að því sem þú hefur ástríðu fyrir í stað þess að leita að innstungu.
Fagleg vinnubrögð
Einstaklega náttúrulegt.
Hvort sem þú hannar eða forritar hjálpar samspil mikils vinnsluafls og háþróaðs skjás þér að vinna á nýjum hraða. Skjárinn býður upp á kvörðun og viðmiðunarstillingar samkvæmt stöðlum greinarinnar fyrir kvikmyndagerðarfólk, ljósmyndara og grafíska hönnuði. macOS nýtir jafnframt til fulls grafík-, minnis- og vélræna námshæfni Apple-flögunnar svo forritin þín skili sínu besta.
Gervigreind
Byggður fyrir afköst. Mac er fínstilltur fyrir fullkomnustu gervigreindarforrit heims. Keyrðu myndsköpunarforrit á borð við Comfy Desktop og Draw Things, stórmálslíkön á borð við Msty Studio og LM Studio og myndvinnsluforrit á borð við Topaz Video.
Forritun
Komdu þér í gang. Keyrðu sýndarvélar og þróaðu hugbúnað á öllum tæknistigum. Nýttu gervigreindarverkfæri við forritagerð, sparaðu tíma með kóðatillögum og prófaðu iOS-forrit beint á skjánum með snertivirkni í Xcode. Meðal verkfæra sem þú getur notað eru Unity Editor, Create ML, TensorFlow, PyTorch, NAG Fortran Compiler, Docker og IntelliJ IDEA.
Myndvinnsla
Handle large image files, no sweat. Edit and retouch photos whether in the studio or on location with apps like Adobe Lightroom, Adobe Photoshop, Capture One, Pixelmator Pro, Topaz Photo, DxO PhotoLab 10, and more.
Myndbönd
Klipptu 8K myndbönd á ógnarhraða og búðu til hreyfigrafík og samsetningar á mettíma. Í sýndarframleiðslu tryggir genlock fullkomna samstillingu myndavéla og skjáa fyrir myndgerð í rauntíma. Skapaðu meistaraverkið með verkfærum á borð við DaVinci Resolve, Adobe Premiere, Final Cut Pro, Motion, Adobe After Effects, Nuke frá Foundry og fleirum.
Viðskipti
Haltu mörgum boltum á lofti. Búðu til skjöl og kynningar, leystu verkefni í mörgum ólíkum forritum og taktu þátt í myndbands fundum — allt í einu. Haltu rekstrinum á ferð með Microsoft 365, Claude, Slack, Zoom, Figma, Keynote og fleiru.
STEM
Gerðu Mac að rannsóknarfélaga þínum. Keyrðu flóknar hermirannsóknir, raðgreindu DNA eða greindu stór gagnasöfn í hvers kyns vísinda- og tækniumhverfi. Notaðu verkfæri á borð við MATLAB, NASA TetrUSS, Oxford Nanopore MinKNOW, Falcon MD, Shapr3D, SurgicalAR, Vectorworks, Archicad og fleiri.
Þrívíddarteiknimyndir og hönnun
Láttu hugmyndaflugið verða að veruleika. Skapaðu flókna áferð í þrívíddarverkum og notaðu snertihreyfingar til að vinna beint með hluti á skjánum í Blender. Búðu til flóknar hreyfimyndir og gerðu háupplausnarmyndir með Maxon Cinema 4D, Maxon Redshift, Autodesk Maya, Adobe Substance Painter, Houdini og fleirum.
Læknisfræðileg myndgreining
Skýr mynd af heilsu. Með nýjum DICOM-viðmiðunarstillingum fyrir læknisfræðilega myndgreiningu má nota PROLED XDR-skjáinn til að skoða læknisfræðilegar myndir með einstakri nákvæmni í grátónum og miklum birtuskilum, til dæmis við rannsóknir og kennslu, en ekki til greiningar. Auðvelt er að skipta aftur yfir í sjálfgefna stillingu fyrir almenna notkun.
Leikir
Uppáhaldsleikirnir, í essinu sínu. Njóttu leikja á nýjan hátt með framúrskarandi grafík, PROLED XDR-skjá, ProMotion og sex hátölurum með Spatial Audio. Kveiktu á leikjastillingu fyrir jafnari rammatíðni. Spilaðu leiki á borð við CONTROL Resonant, Valheim, Crimson Desert Enhanced, Palworld, Cyberpunk 2077: Ultimate og fleiri.
Hljóð og myndavél
Besta hljóðkerfi sem finnst í fartölvu. Punktur.
Öryggi
Engar málamiðlanir.